سيناريو خدمة العملاء في البنوك السعودية

سيناريو خدمة العملاء في  البنوك السعودية: اذا تبغى تفعل حسابك عشان ما سويت اي عملية خلال 6 شهور (مدري ليش غصب وقلك امنيا بس اصلا عادي ناكل تبن) 6 مكاتب خدمة عملاء 2 او 3 بس الي شغال والباقي مغلق (لازم تلاقي مكتب فاضي ما عليه) ولمن يجي وقت الصلاة يصير واحد الي شغال ولمن يسألك ايش عندك غالبا يصرفك . تجي لفعيل الحساب 

يقلك روح خد رقم للصرافين عشان تودع عشرة ريال اقل شي. وفي بنك زي سامبا يخليك تعبي استمارة ايداع حتى لوكانت 10 ريال مع عادة تكون للشيكات (وش تحس فيه WTF) بعدين ترجع لخدمة العملاء ثاني مرة وغالبا حيقلك اسحب رقم انتظار مرة ثانية وبعد ماتستنى في احتمال 30% انو مافعلك الحساب يعني تضطر تسوي الهرجة دي كلها من جديد. عملية سهلة تستغرق من 30-60 دقيقة هذا من دون زحمة . 

ودي البنوك تقول على نفسها تتطور مع الزمن (شغل بوكيمون) 

اذا شغلهم كدى في بلد تعداد سكانه ما يعدي ال30 مليون 

كيف حيكون لو كنا 100 ولا 200 مليون ؟؟

مدري هل كل البنوك حضرمية ولا اغبيا ؟؟

مكاتب فاضية بدون موظفيين ليش ميزانية زايدة ؟

طيب جيبو موظفين حتى لو اجانب لأنو مدري كيف الواحد يقدر يخلص شغلته في البنوك اذا كان موظف؟